पाल्पा । पाल्पामा घडेरी खन्ने क्रममा ठूलो संख्यामा तोपका गोला फेला परेका छन् । तानसेन नगरपालिका–४ गोलाखानामा घडेरी खन्ने क्रममा तीनसय भन्दा बढी गोला फेला परेका हुन् ।

गोला भेटिएको जग्गा पाल्पास्थित नेपाली सेनाको हो । सोही ठाउँमा सेनाले गेस्ट हाउस निर्माणका लागि घडेरी खनिरहेको थियो ।

अहिले ती गोला तानसेनस्थित सेनाको गणमा राखिएको छ । नेपाली सेनाले धेरै वर्ष पहिला जमिनमुनि ती गोला पुरेको हुनसक्ने प्रहरीले जनाएको छ ।

ती गोला यहाँ कसले राखेको थियो भन्नेबारे थप बुझ्ने काम भइरहेको जिल्ला प्रहरी कार्यालय पाल्पाले जनाएको छ ।