टीकापुर। प्रहरीले क्वारेन्टाइनमा रहेकी महिलामाथि बलात्कार गरेको आरोपमा तीन जनालाई पक्राउ गरी अनुसन्धान थालेको छ ।
कैलालीको लम्कीचुहा नगरपालिका–१ पूर्वलम्कीमा रहेको शहिद स्मृति माध्यमिक विद्यालयको क्वारेन्टाइनमा रहेकी एक महिलाले जेठ २० गते आफुमाथि बलात्कार गरेको भन्दै उजुरी दिएपछि प्रहरीले तीन जनालाई पक्राउ गरेको हो ।
गौरीफन्टा नाकाबाट आएर शहिद स्मृति माध्यामिक विद्यालय लम्कीको क्वारेनटाइनमा बस्दै आएकी पीडित महिला लम्कीचुहा नगरपालिका–१ कि ३१ वर्षीय हुन् ।
इलाका प्रहरी कार्यालय लम्कीले तीनै जना आरोपितलाई पक्राउ गरी थप अनुसन्धान भइरहेको जनाएको छ ।
दोषीमाथि कारबाहीको माग गर्दै स्थानीयले आज लम्की बजारमा विरोध प्रर्दशन गरेका थिए ।
Leave a Reply