काठमाडौं । प्रतिनिधि सभा सदस्य सोबिता गौतमले काठमाडौंको मौलिकतालाई पुनर्जीवित गर्नुपर्ने बताएकी छिन् ।

बिहीवार काठमाडौं महानगरपालिकाको २८ औँ महानगर दिवसको अवसरमा आयोजित कार्यक्रमलाई सम्बोधन गर्दै काठमाडौं क्षेत्र नम्बर २ बाट नवनिर्वाचित प्रतिनिधिसभा सदस्य गौतमले सो कुरा बताएकी हुन् ।

उनले काठमाडौं महानगरले आफ्नो मौलिकता गुमाउँदै गइरहेको बताउँदै त्यसलाई पुनर्जीवित गर्नुपर्ने बताइन् । यसका निम्ति आफूले सकेको भूमिका निभाउने उनको भनाई छ ।

देशलाई गति दिनका निम्ति महानगरपालिका सँगसँगै सिङ्गो देशकै मौलिकतालाई पुनर्जीवित गर्नुपर्नेमा उनको जोड छ ।