सिरहा । सिरहाको कर्जन्हा नगरपालिका-१० स्थित खकरहिया जंगलमा घाँस काट्न गएकी महिलाको हत्या गरी फरार दुईजना पक्राउ परेका छन् ।

पक्राउ पर्नेमा मिर्चैया नगरपालिका-२ मल्हनियाकै २० वर्षीय राजकुमार महतो कोइरी र मिर्चैया १ का २० वर्षका नीतेशकुमार रजक रहेका छन् । मंगलबार दिउँसो मल्हनिया पिडारी टोलकी २६ वर्षीया लक्ष्मिनियादेवी कातरको घाँटी र पेटमा खुकुरी प्रहार गरी हत्या भएको थियो ।

हत्यापछि फरार रहेका उनीहरूलाई जनकपुरबाट खटिएको तालिम प्राप्त कुकुरसहितको टोलीको सहयोगमा घटनामा प्रयोग भएको खुकुरीसहित उनीहरूलाई नियन्त्रणमा लिएको जिल्ला प्रहरी कार्यालय सिराहाले जनाएको छ ।

उनीहरुमाथि कर्तव्य ज्यान मुद्दामा ७ दिनको म्याद लिएर थप अनुसन्धान भइरहेको बताइएको छ ।