काठमाडौं । बलिउडका अभिनेता विवेक ओवराय काठमाडौं आइपुगेका छन् ।

उनी आफ्ना परिवारसहित भ्रमण गर्न बुधबार साँझ त्रिभुवन अन्तर्राष्ट्रिय विमानस्थल काठमाडौंमा आइपुगेका हुन् । फ्लाइ दुवईबाट बुधबार साँझ काठमाडौं आइपुगेका उनी होटल सोल्टीमा बसेका छन्।

यसअघि उनले भिडिओ सन्देश जारी गर्दै आमाबुवा, श्रीमती प्रियंका अल्वा, छोरा विवान र छोरी अमेयासँग नेपाल आउने बताएका थिए।

ओबरोयले भगवान बुद्धको जन्मस्थल लुम्बिनीमा हुने भेटघाट तथा अभिवादन कार्यक्रममा सहभागी हुने बताएका छन् । उनले सगरमाथा बेसक्याम्प, पोखरा, लुम्बिनी र काठमाडौंको पशुपतिनाथलगायतका अन्य ठाउँको भ्रमण गर्नेछन्।