काठमाडौं । अभिनेता दीपकराज गिरीले अर्जेन्टिना विश्वकप जितेर घर जाने टिप्पणी गरेका छन् ।

कतारमा जारी फिफा विश्वकपको पहिलो सेमिफाइनलमा अर्जेन्टिनाले क्रोएसियाविरुद्ध खेल्नुअघि गिरीले अर्जेन्टिनाको समर्थन गर्दै यस्तो बताएका हुन् ।

गिरीले मंगलबार सामाजिक सञ्जाल फेसबुकमा लेखेका छन्,“अर्जेन्टिना घर जान्छ पक्का… । तर वर्ल्डकप लिएर ।” विश्वकपमा आज हुने अर्जेन्टिना र क्रोएसियाबीचको यो खेल कतारको लुसैल रंगशालामा राति १२ः४५ बजेदेखि सुरु हुनेछ ।

आजको खेलमा जित निकाल्ने टिमले उपाधिका लागि साविक विजेता फ्रान्स वा मोरक्कोबीचको विजेतासँग खेल्नेछ ।