काठमाडौं । राष्ट्रिय भूमि आयोगले विभिन्न स्थानीय तहमा लगत संकलनसम्बन्धी काम फेरि सुरू गर्ने भएको छ । निर्वाचन आचारसंहिता सकिएसँगै आयोगले स्थानीय तहमा लगत संकलनसम्बन्धी काम पुनः सुरु गर्ने भएको हो ।

चुनावको आचारसंहिताका कारण लगत संकलन, जग्गा नापजाँच, जग्गाको निस्सा तथा जग्गा धनी प्रमाण पुर्जा वितरण रोकेको थियो ।

निर्वाचन आयोगले सोमबारदेखि निर्वाचन आचारसंहिता निष्क्रिय भएको जानकारी गराएको थियो ।

आयोगले अब रोकिएको लगत संकलन, जग्गा नापजाँच, जग्गाको निस्सा तथा जग्गा धनी प्रमाणपूर्जा वितरण कार्य मंसिर २८ गतेदेखि पुनः सुरु गर्ने जनाएको छ ।