दाङ । प्रहरी हिरासतमा रहेका श्रीमानलाई भेट्न गएकी श्रीमती लागुऔषध ब्राउन सुगरसहित पक्राउ परेकी छिन् ।

जिल्लाको घोराही उप–महानगरपालिका १५ कि २६ वर्षकी शान्ति खड्का पक्राउ परेकी हुन् ।

जिल्ला प्रहरी कार्यालय दाङका अनुसार सोमबार जिल्ला प्रहरी कार्यालय दाङको हिरासत कक्षमा लागुऔषध मुद्दा चलेर थुनामा रहेका २२ वर्षका अशोक खड्कालाई भेट्न पुगेकी शान्तिको साथबाट पाँच पुरिया (१२० मिलिग्राम) ब्राउन सुगर फेला परेको हो ।

शान्तिले श्रीमानलाई दिन भनी ल्याएको फलफूल जाँच गर्ने क्रममा लागुऔषध फेला परेको प्रहरीले जनाएको छ ।