काठमाडौं । भारतसँगको एकदिवसीय क्रिकेट शृङ्खला एक खेलअघि नै बङ्गलादेशले हात पारेको छ । मिरपुरमा भएको दोस्रो एकदिवसीय खेलमा बङ्गलादेशले भारतलाई पाँच रनले हराउँदै शृङ्खला जितेको हो ।

बङ्गलादेशले दिएको दुई सय ७२ रनको लक्ष्य पछ्याएको भारतले निर्धारित ५० ओभरमा नौ विकेट गुमाएर दुई सय ६६ रनमात्र बनाउन सक्यो ।

भारतका लागि श्रेयस अय्यरले ८२, अक्षर पटेलले ५६ र रोहित शर्माले नटआउट ५१ रन बनाए । बलिङतर्फ बङ्गलादेशका इबादत होसैनले तीन विकेट लिए ।

यसअघि टस जितेर पहिले ब्याटिङ गरेको बङ्गलादेशले ५० ओभरमा सात विकेट गुमाएर दुई सय ७१ रन बनायो । बङ्गलादेशका लागि मेहदी हसनले १०० रन बनाए ।

यस्तै महमदुल्लाहले ७७ रन बनाए । बलिङतर्फ भारतका वाशिङ्टन सुन्दरले तीन विकेट लिए । अन्तिम खेल आउँदो शनिवार हुनेछ ।