काठमाडौं । कतारमा जारी फिफा विश्वकपको अन्तिम–१६ को खेलमा सोमबार जापानविरुद्ध क्रोएसियाले गोल फर्काएको छ ।

दोस्रो हाफको ५६ औं मिनेटमा क्रोएसियाका इभान पेरिसिकले बराबरी गोल फर्काएका हुन् । योसँगै जापानसँग १—१ को बराबरी क्रोएसियाले बनाएको छ ।

यसअघि खेलको ४३ औं मिनेटमा जापानका डाइजेन माइडाले गोल गर्दै टोलीलाई अग्रता दिलाएका थिए।

जापान चार वर्षअघि रुसमा भएको विश्वकपको अन्तिम १६ मा बेल्जियमसँग पराजित हुँदै बाहिरिएको थियो। क्रोएसिया भने फाइनलसम्म पुगेर फ्रान्ससँग पराजित हुँदा उपविजेतामा सीमित भएको थियो।