एजेन्सी । ब्राजिलका लिजेन्ड फुटबलर पेलेको स्वास्थ्य अवस्था गम्भीर रहेको छ । क्यान्सरको केमोथेरापीमा सुधार नभएपछि पेलेलाई अस्पतालमा प्यालिएटिभ केयरमा सारिएको छ ।

ब्राजिलियन आउटलेट फोल्हाले फुटबल लिजेन्ड पेलेलाई प्यालिएटिभ केयरमा सारिएको र किमोथेरापीले काम नगरको जनाएको छ ।

सर्वकालीन महान् खेलाडी ८२ वर्षीय पेलेलाई मंगलबार अल्बर्ट आइन्स्टाइन अस्पतालमा भर्ना गरिएको थियो ।

साओ पाउलोको अल्बर्ट आइन्स्टाइन अस्पतालले एक बुलेटिनमार्फत पेलेको अवस्था स्थिर रहेको भन्दै उपचार प्रक्रिया जारी रहेको जनाएको छ ।