काठमाडौं । प्रदेश-१ राजधानीमा जारी यू-१९ राष्ट्रिय क्रिकेट प्रतियोगिताबाट बाहिरिएको छ ।

टियु क्रिकेट मैदानमा बिहीबार लुम्बिनी प्रदेशसँग पराजित हुँदै प्रदेश-१ बाहिरिएको हो ।

लुम्बिनीले लगातार चौंथो जित निकाल्ने क्रममा प्रदेश-१ लाई ६ विकेटले पराजित गरेको हो । प्रदेश-१ ले दिएको ७० रनको लक्ष्य लुम्बिनीले १६ ओभरमा ४ विकेट गुमाएर पूरा गर्यो ।

जितसँगै लुम्बिनीले ५ खेलबाट ८ अंक बनाएको छ । समान अंक रहेको बागमती प्रदेशसँग रनरेटमा पछि परेर लुम्बिनी तेस्रो स्थानमा रहेको छ ।

समान ५ खेलबाट ४ अंक भएको प्रदेश-१ चौथो स्थानमा रहदै प्रतियोगिताबाट बाहिरिएको छ ।

प्रतियोगितामा प्रदेश-१, मधेश प्रदेश,बागमती प्रदेश,गण्डकी प्रदेश,लुम्बिनी प्रदेश,कर्णाली प्रदेश र सुदुरपश्चिम प्रदेशको सहभागिता रहेको छ ।

प्रतियोगिताको विजेताले २ लाख नगद प्राप्त गर्दा उपविजेताले १ लाख नगद पाउने छन् ।