बाजुरा । बाजुरामा रोकिएको मतगणना सुरु गर्न निर्वाचन आयोगले निर्देशन दिएपछि मुख्य निर्वाचन अधिकृतको कार्यालयले बोलाएको सर्वदलीय बैठक नेकपा एमाले सहभागी नभएपछि निष्कर्षबिहीन भएको छ ।

बुधबार अपराह्न मुख्य निर्वाचन अधिकृतको कार्यालयले सर्वदलीय बैठक बोलाएको थियो । तर एमाले उपस्थित नभएपछि बैठक निष्कर्षबिहीन भएको हो ।

सर्वदलीय बैठकमा नेकपा एमालेबाहेकका दल सहभागी थिए । बैठक फेरि भोलि बिहान ७ बजेलाई बोलाइएको बताइएको छ ।

यता एमाले बाजुराले भने चेतन ऐडीको हत्यामा संलग्न पक्राउ गर्नुपर्ने, ऐडीको न्याय माग्दै शान्तिपुर्ण आन्दोलनका बेला गिरफ्तार भएकालाई निसर्त रिहा गर्नुपर्ने अडान राखेको छ ।