सप्तरी । सोमबार रातिदेखि बेपत्ता भएका सप्तरीका ५० वर्षीय सञ्जय राउतको हत्या भएको पाइएको छ।

कञ्चनरुप नगरपालिका–१ बैरवाका ५० वर्षीय सञ्जय राउत सोमबार रातिदेखि सम्पर्कविहीन भएका थिए। उनको शव घरदेखि डेढ सय मिटर उत्तरतर्फको पोखरीमा घाँटी रेटिएको अवस्थामा मंगलबार फेला परेको हो।

हत्यामा संलग्न व्यक्तिको खोजी भइरहेको जिल्ला प्रहरी कार्यालयका प्रवक्ता एवं प्रहरी नायब उपरीक्षक नरेशकुमार सिंहले बताए। बेपत्ता भएपछि राउतको खोजी गरिदिन उनका परिवारका सदस्यले प्रहरीलाई अनुरोध गरेका थिए।

अनुसन्धानका लागि प्रहरीले तालिमप्राप्त कुकुरसहित प्रहरी जनशक्ति खटाइएको छ। रासस