काठमाडौं । अभिनेता सलोन बस्नेत आज वैवाहिक जीवनमा बाँधिदैछन् । उनले प्रेमिका करिश्मा केसीसँग लगानगाँठो कस्न लागेका हुन् ।

सलोनको वैवाहिक समारोह राजधानीको चन्द्रागिरी रिसोर्टमा आयोजना गरिएको छ । वैवाहिक समारोहमा पारिवारिक सदस्य, आफन्त र फिल्मकर्मी सहभागी हुने बताइएको छ ।

बिहेअघि यो प्रेम जोडीको शनिबार पाताले वन रिसोर्टमा मेहेन्दी समारोह आयोजना भएको थियो । उनीहरू केही वर्षयता प्रेम सम्बन्धमा छन्।

करिश्मा नेपाल एयरलाइन्समा काम गर्छिन्। उनी एयर होस्टेस हुन्। अभिनेता सलोन बस्नेत निर्देशक शोभित बस्नेतका छोरा हुन्।