काठमाडौं । कतारमा जारी विश्वकप फुटबलमा मोरक्कोले बेल्जियमलाई पराजित गरेको छ ।

आइतबार भएको दोस्रो खेलमा मोरक्कोले बलियो टोली बेल्जियमलाई २–० गोल अन्तरले पराजित गरेको हो ।

मोरक्कोको जितका लागि अब्देलहमिद साबिरी र जकारिया अबुखलाल गोल गरे । बेल्जियमलाई पराजित गरेसँगै मोरक्कोले फिफा विश्वकपको नकआउट चरण प्रवेशको सम्भावना बलियो बनाएको छ।

पहिलो खेलमा बेल्जियमले क्यानडालाई पराजित गरेको थियो भने मोरक्कोले क्रोयसियासँग बराबरी खेलेको थियो ।