बैतडी । जन्ती बोकेको जिप बैतडीमा दुर्घटनामा भएको छ ।

जिल्लाको पुर्चौंडी नगरपालिकाबाट जन्ती बोकेर आइरहेको जिप सुर्नया गाउँपालिका ८ पातलखोला भन्ने स्थानमा दुर्घटना भएको हो ।

सुपप्र ०१००१ ज १३५४ नम्बरको जिप सडकबाट केही तल खसेको प्रहरीले जनाएको छ। दुर्घटनामा परी ४१ वर्षीय चालक मानबहादुर साउद घाइते भएका छन् ।

घाइते साउदको खुट्टा र कम्मरमा चोट रहेको प्रहरीले जनाएको छ । जिपमा सवार अन्य भने सकुशल रहेको बताइएको छ ।