धनगढी । प्रतिनिधिसभातर्फ कैलाली निर्वाचन क्षेत्र नम्बर ५ मा नेपाली कांग्रेसका डिल्लीराज पन्त विजयी भएका छन्।

गठबन्धनका साझा उम्मेदवार पन्त २१ हजार ३९२ मत प्राप्त गरी विजयी भएका हुन्।

उनका प्रतिस्पर्धी नेकपा एमालेका नारदमुनि रानाले २० हजार ३१८ प्राप्त गरे। पन्‍त र रानाको मतान्तर १ हजार ७४ छ।

अघिल्लो पटक प्रधानमन्त्री पत्नी आरजु राणा देउवालाई पराजित गर्दै निर्वाचित भएका राना अहिले कांग्रेसकै पन्तसँग पराजित भएका छन् । पन्त अघिल्लो पटक प्रदेशसभामा विजयी भएका थिए ।

यसअघि यो क्षेत्रबाट कांग्रेस केन्द्रीय सदस्य आरजु राणा देउवा उम्मेदवार बन्ने चर्चा थियो तर उनी समानुपातिकमा बसेपछि पन्तले टिकट पाएका हुन् ।