काठमाडौं । नेपालमा पछिल्लो २४ घण्टामा थप २७९ जनामा कोरोना भाइरसको संक्रमण पुष्टि भएको छ । यससँगै नेपालभर ४ हजार ३ सय ६४ जना संक्रमित पुगेका छन् ।

बुधबार विभिन्न प्रयोगशालामा गरिएको परीक्षणमा थप २७९ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले आयोजना गर्दै आएको नियमित कोरोना अपडेटमा प्रवक्ता डा. जागेश्वर गौतमले जानकारी दिए ।

प्रवत्ता गौतमका अनुसार कोरोना संक्रमण मुक्त भइ डिस्चार्ज हुनेमा ९० जना थपिएका छन् । यससँगै हालसम्म जम्मा ६७४ जना उपचार पछि निको भएको उनले बताए ।