काठमाडौं । सीमा क्षेत्रबाट उद्धार गरिएका नेपालीहरुलाई क्वारेन्टिन स्थलमा लिएर जाँदै गरेको टिपर कर्णाली नदिमा खस्दा २ जनाको मृत्यु भएको छ भने ६ जना वेपत्ता भएका छन् ।

दुर्घटनामा नदीमा बगेका ३१ जनालाई जीवितै उद्धार गरिएको प्रहरीले जनाएको छ ।

कालीकोटको लालीघाट नजिकै जिते बजारबाट भारतबाट आएका ३९ जना यात्रुलाई रासकोटमा रहेको क्वारेन्टिनतर्फ लैजाँदै गर्दा ना८ख ५१३३ नम्बरको टिपर आज बिहान नरहरीनाथ गाउँपालिकामा कर्णालीमा खसेको थियो ।

प्रहरीले वेपत्ता भएकाहरुको खोजी भइरहेको जनाएको छ । घाइतेको उद्धारका लागि नेपाली सेनाको हेलिकप्टर पठाउने तयारी भइरहेको छ ।

उद्धार गरिएका मध्ये चार जना गम्भीर घाइते भएको प्रहरीले जनाएको छ ।