लमजुङ । लमजुङमा माओवादी केन्द्रका महासचिव देव गुरुङ मतान्तर घटाउन थालेका छन् ।

सुरुवातदेखि पछि परेका माओवादीका गुरुङले मंगलबार दिउँसोदेखि मतान्तर घटाउन थालेका हुन् ।

पछिल्लो मतपरिणाम अनुसार एमाले उपमहासचिव पृथ्वीसुब्बा गुरुङले १६ हजार २८५ मत ल्याएर अग्रता कायमै राखेका छन् भने माओवादीका महासचिव गुरुङले १४ हजार ८९७ मत ल्याएर पछ्याइरहेका छन् ।

उनी एमाले उम्मेदवार गुरुङसँग एक हजार ३८८ मतले पछि परेका छन् । यहाँ करिब आधा मतगणना सकिएको छ ।

खसेको कुल ८० हजार ९१७ मतमध्ये अहिलेसम्म ३५ हजार ८८५ मत गनेर सकिएको बताइएको छ ।