डडेल्धुरा । डडेल्धुरामा प्रधानमन्त्री तथा नेपाली कांग्रेसका सभापति शेरबहादुर देउवाले अग्रता बढाउँदै लगेका छन् ।

पछिल्लो मतपरिणाम अनुसार तीन हजार ६७३ मत गणना हुँदा देउवाले १७३६ मत पाए । यस्तै स्वतन्त्र उम्मेदवार सागर ढकालले ९४३ ल्याएका छन् ।

प्रतिनिधि सभा सदस्यका काँग्रेस वीपीका उम्मेदवार कर्णबहादुर मल्लले ६२३ मत पाए ।

एक मात्र प्रतिनिधिसभा सदस्य निर्वाचन क्षेत्र रहेको डडेल्धुराबाट कांग्रेसका सभापति शेरबहादुर देउवा सातौँ पटक उम्मेदवार छन् ।