काठमाडौं । नेपाल स्टक एक्सचेञ्ज (नेप्से) साताको अन्तिम कारोबारमा २५ अंकले बढेको छ । बिहीबार बजार २५.५७ अंकले बढेर साताको बजार बन्द भएको हो ।

बजार परिसूचक १.३४ प्रतिशतले बढ्दा ‘क’ वर्गका कम्पनीहरूको मापक सेन्सेटीभ इन्डेक्स १.१९ प्रतिशतले बढेर ३८१.०६ मा उक्लिएको छ ।

यस्तै उप-समूहतर्फ १३ ओटै परिसूचकको सेयर मूल्य बढेको छ। सबैभन्दा धेरै हाइड्रोपावर समूह ३.१४ प्रतिशतले बढेको छ । बजारसँगै आज कारोबार रकमपनि बढेको छ।

बिहीबार १ अर्ब ७१ करोड ५४ लाख १९ हजार २ सय ८६ रूपैयाँ बराबरको सेयर खरिद बिक्री भएको छ। २२३ कम्पनीको ४३ लाख ८४ हजार ४ कित्ता सेयर २७ हजार २ सय ३१ पटकमा खरिद बिक्री भएको थियो । अघिल्लो दिनको कारोबारमा ८५ करोडको सेयर खरिद बिक्री भएको थियो ।

आज सबैभन्दा धेरै सिकलेस हाइड्रो र सयपत्री हाइड्रो कम्पनीको शेयर १० प्रतिशतले बढेको छ । समग्रमा बजार बढे पनि फरवार्ड माइक्रोफाइनान्सको शेयर सबैभन्दा धेरै तीन प्रतिशतले घटेको छ ।