एजेन्सी । अमेरिकी राष्ट्रपति जो बाइडेन र चिनियाँ नेता सी जिनपिङबीच इन्डोनेसियाको बालीमा भेटवार्ता भएको छ ।

दुई महाशक्तिबीचको सम्बन्ध चिसिएको बेला दुई नेताबीच आज भेटवार्ता भएको हो । सीएनएनका अनुसार अहिले दुवै नेताको उपस्थितिमा दुई पक्षिय वार्ता भइरहेको छ ।

बेइजिङ र वाशिङटनले मतभेद अन्त्य गर्नुपर्ने बाइडनले बताएको खबर सञ्चारमाध्यमहरूले दिएका छन् ।

आफू र सी मिलेर दुई देशबीचको सहकार्यको क्षेत्र पहिचान गर्नुपर्ने पनि उनले बताए । अमेरिका र चीनबीचको द्वन्द्व टारिने आशा उनले व्यक्त गरे ।

कीर्तिमानी क्षेप्यास्त्र परीक्षणसँगै छिट्टै सातौं आणविक परीक्षण गर्ने डर बढिरहेका बेला दुई शक्तिशाली देशका नेताबीच भएको यस भेटवार्तालाई विश्वभर विशेष चासोका साथ हेरिएको छ ।