काठमाडौं । उपराष्ट्रपति नन्दबहादुर पुनले आज बिहान डोटीको पूर्वीचौकी गाउँपालिका-३, गैरिगाउँलाई केन्द्रबिन्दु बनाइ गएको भूकम्पबाट भएको मानवीय र भौतिक क्षतिप्रति गहिरो दुःख व्यक्त गरेका छन् ।

भूकम्पले घर भत्कँदा निधन भएकाहरुप्रति श्रद्धाञ्जली अर्पण गर्दै उनले शोकाकुल परिवारजनमा गहिरो समवेदना व्यक्त गरेका छन् ।

उनले घाइतेहरूको शीघ्र स्वास्थ्यलाभको कामना समेत गरेका छन् ।

उपराष्ट्रपतिले भूकम्पमा परी घाइते भएकाहरूको उपचार तथा घर भत्किएर विस्थापित भएकाहरूका लागि उचित बसोवास र खाद्यान्न व्यवस्था गर्न सरकारको ध्यानाकर्षण गराएका छन् ।