काठमाडौं । जिल्ला प्रहरी परिसर काठमाडौंले अन्दाजि २५ हजार ९१० लिटर अवैध मदिरा नियन्त्रणमा लिई नष्ट गरिएको छ ।

जिल्ला प्रहरी परिसर काठमाडौं तथा मातहत प्रहरी वृत्त प्रभागहरूबाट खटिएको प्रहरी टोलीले बिभिन्न स्थानबाट घरेलु मदिरा नियन्त्रणमा लिएको हो ।

जिल्ला प्रहरी परिसरका अनुसार घरेलु मदिरा बनाउन प्रयोग हुने कच्चा पदार्थ अन्दाजि १३ हजार ७५० लिटर र तयारी घरेलु मदिरा अन्दाजि १२ हजार १६० लिटर बरामद गरिएको थियो ।

बरामद घरेलु मदिरालाई स्थानीय तहका पदाधिकारी समेतको रोहवरमा नष्ट गरिएको प्रहरीले जनाएको छ ।