काठमाडौं । जापानका लागि नवनियुक्त नेपाली राजदूत डा. दुर्गाबहादुर सुवेदीले जापानी सम्राट नारुहितो समक्ष आफ्नो ओहोदाको प्रमाणपत्र पेस गरेका छन् ।

राजदूत डा. सुवेदीले टोकियोको इम्पेरियल प्यालेसमा आयोजित विशेष समारोहमा सम्राट नारुहितो समक्ष आफ्नो ओहोदाको प्रमाणपत्र प्रस्तुत गरेका हुन् ।

ओहदाको प्रमाणपत्र लिँदै सम्राट नारुहितोले सुवेदीको कार्यकालमा दुई देशबीचको सम्बन्ध अझ मजबुत हुने आशा राखेको नेपाली राजदूतावासले जनाएको छ ।

राजदूत डा. सुवेदीले नेपाल र नेपाली जनताको सामाजिक आर्थिक विकासमा जापानले सधै सहयोग गरिरहेकोमा जापान सरकार र जापानी जनताप्रति आभार प्रकट गरेको विज्ञप्ती मार्फत जानकारी दिएको छ ।