रुपन्देही । रुपन्देहीको देवदह नगरपालिकामा श्रीमान् र श्रीमती मृत अवस्थामा फेला परेका छन् ।

जिल्लाको देवदह नगरपालिका-५ पाल्पाली टोलमा घरभित्र चुकुल लागेको अवस्थामा श्रीमान् र श्रीमतीको शव फेला परेको हो ।

कतारबाट छुट्टी आएका ३६ वर्षीय बोलिन्द्र जोल्मी मगर र उनकी श्रीमती ३२ वर्षीय हेमकला जोल्मी मगर आफ्नै घरभित्र मृत अवस्थामा फेला परेको प्रहरीले जनाएको छ ।

श्रीमतीको शव भुइँमा तन्नाले बेरिएको अवस्थामा रहेको र श्रीमानको शव पङ्खामा झुन्डिएको अवस्थामा रहेको देवदह प्रहरी चौकीले जनाएको छ ।