कैलाली । कैलालीमा मदिरा विक्री वितरण र सेवन गर्न नपाइने भएको छ । आइतबार जिल्ला प्रशासन कार्यालय कैलालीले एक सूचना जारी गर्दै जिल्लाभर मदिरा विक्री वितरण तथा सेवनमा रोक लगाएको हो ।

मंसिर ४ गते हुने प्रतिनिधि सभा र प्रदेश सभा सदस्यको निर्वाचनलाई स्वच्छ, भयरहित एवं शान्तिपूर्ण वातावरणमा सम्पन्न गर्न जिल्लामा मदिरा विक्री वितरण तथा सेवनमा रोक लगाएको प्रशासन जनाएको छ ।

आजदेखि निर्वाचन सम्पन्न नभएसम्म मदिरा ओसारपसार, विक्री वितरण र सेवन गर्न पूर्णरुपमा रोक लगाइएको सूचनामा उल्लेख छ।

‘कोही कसैले मदिरा ओसारपसार, विक्री वितरण र सेवन गरेको पाइए प्रचलित कानुन बमोजिम कारबाही गरिने छ,’ प्रशासनद्धारा जारी सूचनामा भनिएको छ ।