काडमाडौं । नेपाल समाजवादी पार्टी (नेसपा)का अध्यक्ष डा.बाबुराम भट्टराईले मंसिर ४ को निर्वाचनमा अग्रगामी शक्तिलाई जिताउनुपर्ने बताएका छन्।

पूर्वप्रधानमन्त्रीसमेत रहेका भट्टराईले बिहीबार काठमाडौंमा आयोजित एक कार्यक्रममा बोल्दै यस्तो बताएका हुन् । उनले कांग्रेस र कम्युनिष्ट खास खास मुद्दामा मिलेको बताए।

भट्टराईले कांग्रेस र कम्युनिष्ट सहकार्य पनि र प्रतिष्पर्धा पनि गर्दै आएको उल्लेख गरे। उनले अहिलेको अवस्था विशिष्ट भएकाले गठबन्धन आवश्यक भएको दाबी गरे।

उनले विकास र समृद्धिको अभियानमा अग्रिणी भूमिका खेल्न सबैलाई आह्वान गरे। कृषि प्रधान अर्थतन्त्रलाई औधोगिक अर्थतन्त्रमा रुपान्तरण गर्नुपर्ने आवश्यकता रहेको उनको भनाई छ।

उनले बुढीगण्डकी जलविद्युत आयोजना छिटो अगाडि बढाउनुपर्ने बताए।