काठमाडौं । राष्ट्रपति विद्यादेवी भण्डारीले छठपर्वको अवसरमा सूर्यलाई अर्घ्य दिई पूजा अर्चना गरेकी छन् ।

आइतबार काठमाडौंको कमलपोखरी पुगेर राष्ट्रपति भण्डारीले पूजा अर्चना गरेकी हुन् ।

सोही अवसरमा सर्वसाधारणले पनि छठ पर्वको अवसरमा सूर्यलाई अर्घ्य दिई पूजा अर्चना गरेका छन् ।

छठ पर्वका लागि कमलपोखरीलाई झकिझकाउ पारिएको छ । आइतबार साँझ जलाशयमा व्रतालुहरूले अस्ताउँदो सूर्यलाई अर्घ्य दिने र भोलि सोमबार बिहान उदाउँदो सूर्यलाई अर्घ्य दिएपछि छठ पर्व समापन हुनेछ ।