झापा। नेपाली कांग्रेसका महामन्त्री विश्वप्रकाश शर्माले प्रतिनिधि सभालाई भंग नगर्ने प्रतिवद्धता गर्न नेकपा एमालेका अध्यक्ष केपी शर्मा ओलीलाई आग्रह गरेका छन् ।

काठमाडौंबाट गृह जिल्ला झापा पुगेका ओली र काठमाडौं फर्किँदै गरेका शर्माबीच शुक्रबार झापाको भद्रपुर विमानस्थलमा भेट भएकोहो ।

आकस्मिक भेटमा शर्माले कांग्रेसले घोषणापत्रमा प्रतिनिधिसभा विघटन नगर्ने विषय उल्लेख गर्न लागेको बताएका थिए ।

शर्माले ओलीसँग संसदलाई अकालमै मृत्यु हुन नदिने प्रतिवद्धता जनाउन प्रस्ताव गरेको तर ओलीले बेवास्ता गरेको शर्मा निकटका एक नेताले जानकारी दिए ।

ओलीले घोषणापत्रको तयारी सकेर प्रेसमा पठाइसकिएको शर्मालाई बताएका थिए ।