काठमाडौं । निर्वाचन आयोगले प्रधानमन्त्री शेरबहादुर देउवाका प्रेस सल्लाहकार गोविन्द परियारको नाम समानुपातिकको बन्दसूचीबाट हटाएको छ ।

नेपाली कांग्रेसले प्रतिनिधिसभातर्फको बन्दसूचीमा समावेश परियार विरुद्ध आयोगमा उजुरी परेपछि आयोगले नाम हटाएको हो ।

परियार नेपाल सरकारको लाभको पद प्रधानमन्त्रीको प्रेस सल्लाहकार धारण गरेकाले उनको नाम बन्दसूचीमा रहेकोमा आवश्यक कारबाही गरिपाऊँ भन्दै कविता नेपालीले उनी विरुद्ध उजुरी गरेकी थिइन ।

नेपाली काँग्रेसले प्रतिनिधिसभाको समानुपातिकतर्फको बन्दसूची पेश गर्दा दलिततर्फको चौथो नम्बरमा परियारको नाम समावेश गरेको थियो ।