काठमाडौं । राष्ट्रिय सभाका निवर्तमान सदस्य एवं कपिलवस्तुका कांग्रेसका नेता दृगनारायण पाण्डे नेकपा एमाले प्रवेश गरेका छन् ।

नेकपा एमालेका महासचिव शंकर पोखरेल नेतृत्वको लुम्बिनी प्रदेश सरकार ढाल्ने मुख्य योजनाकार पाण्डे पुनः एमालेमै फर्किएका हुन् ।

तत्कालीन नेपाल कम्युनिस्ट पार्टी (नेकपा) एकता भंग भएपछि पार्टी परित्याग गरेर राष्ट्रिय सभा सदस्य निर्वाचित भएका उनी सोमवार पुनः एमालेमै फर्किएका हुन् ।

एमालेबाट तत्कालीन लुम्बिनी प्रदेश सभा सदस्यसमेत रहेका पाण्डे एमाले परित्याग गरी कांग्रेस प्रवेश गरेका थिए । कांग्रेस प्रवेश गरेका उनी राष्ट्रिय सभा सदस्यमा निर्वाचित भएका थिए ।

उनले सोमवार पुनः एमालेमै फर्कने निर्णय गरेको विज्ञप्तिमार्फत जानकारी दिएका छन् । यसपटक प्रतिनिधिसभामा टिकटका आकांक्षी उनी टिकट नपाएपछि असन्तुष्ट थिए ।