एजेन्सी । अस्ट्रेलियामा जारी आईसीसी ट्वान्टी २० विश्वकपमा सोमबार दक्षिण अफ्रिका र जिम्बाब्वेबीचको खेल रद्द भएको छ ।

वर्षाका कारण निर्धारित समयभन्दा तीन घण्टा ढिलो गरी सुरु भएको खेल ९ ओभरमा घटाइएको थियो ।

तर, जिम्बाब्वेले प्रस्तुत गरेको ८० रनको लक्ष्य पछ्याइरहेको दक्षिण अफ्रिकाले तीन ओभरमा ५१ रन बनाउँदा पुनः वर्षा भएपछि खेल रद्द भएको हो ।

खेल रद्द भएपछि दुवै टिमले एक–एक अंक बाँडेका छन् ।

होबर्टस्थित बेल्लेरिभ ओभलमा जिम्बाब्वेले प्रस्तुत गरेको ८० रनको लक्ष्य पछ्याएको खेल रद्द हुनुअघि दक्षिण अफ्रिकाले तीन ओभरमा कुनै पनि विकेट नगुमाई ५१ रन बनाएको थियो ।