काठमाडौं । रोल्पा लुङ्ग्री गाउँपालिकाका लोकबहादुर रसाइली भरखरै कला क्षेत्रमा लागेका छन् । रसाइली म्युजिक भिडियोहरूमा खेल्न थालेका छन् । मोडलका रुपमा उदाएका रसाइली कला क्षेत्रमा केही गर्न सकिन्छ कि भन्ने पक्षमा छन् । उनले आफूलाई अझै राम्रो गरेर अगाडि बढ्ने पक्षमा रहेका छन् । सानैदेखि कला क्षेत्रका काम गर्ने उनको इच्छा थियो ।

त्यो इच्छालाई उनले सुस्तसुस्त पूरा गर्न थालेका छन् । काठमाडौंमा बस्दै आएका रसाइलीले १५–२० वटा म्युजिक भिडियोमा अभियन गरिसकेका छन् । केही भिडियोले व्यावसायिक रुपमा राम्रो पनि गरेका छन् । आगामी दिनमा उनले आफूलाई फिल्म खेल्नका लागि तयार बनाउन थालेका छन् ।