डडेल्धुरा । डडेल्धुरामा जुवा खेलिरहेको अवस्थामा ६ जना पक्राउ परेका छन् ।

जिल्लाको अमरगढी नगरपालिका–५ तुफानडाँडास्थित दोस्ती होटेलमा शुक्रबार बेलुकी ५ बजेतिर जुवा खेलिरहेको अवस्थामा उनीहरूलाई पक्राउ गरिएको हो ।

पक्राउ पर्नेमा दीपक जोशी, मदनराज पन्त, गंगादत्त भट्ट, रुद्र पाल, खगराज पनेरु र नवराज पाण्डेय रहेको जिल्ला प्रहरी कार्यालय डडेल्धुराले जनाएको छ ।

उनीहरूको साथबाट प्रहरीले ८७ हजार ९७० रूपैयाँ पनि बरामद गरेको छ ।