पोखरा । गण्डकी प्रदेशमा असोज २८ गते औपचारिक रुपमा सुरु भएको नवौँ राष्ट्रिय खेलकुदको बिहीबार सम्पन्न भएको छ ।

पोखरास्थित पोखरा रंगशालामा भव्य कार्यक्रमकाबीच राष्ट्रिय खेलकुदको समापन भएको हो ।

प्रधानमन्त्री शेर बहादुर देउवाको उपस्थितिमा राष्ट्रिय खेलकुदको समापन भएको हो । समापन समारोहमा सहभागी टिमले मार्चपास गरे ।

समापन समारोहमा दशौं संस्करणको राष्ट्रिय खेलकुद प्रतियोगिताको आयोजक कर्णाली प्रदेशलाई झण्डा हस्तान्तरण समेत गरिएको छ । दशौं संस्करण २०८१ मा कर्णालीमा आयोजना हुने राष्ट्रिय खेलकुद परिषद्ले जनाएको छ ।