कैलाली । कैलाली प्रहरीले जबरजस्ती करणी मुद्दाका फरार प्रतिवादीलाई पक्राउ गरेको छ ।

पक्राउ पर्नेमा जिल्लाको लम्कीचुहा नगरपालिका वडा नम्बर २ गणेशपुर बस्ने ४९ वर्षीय प्रेम चौधरी रहेका छन् ।

२०६३ माघ २५ गते जबरजस्ती करणी गरी फरार भएका उनलाई जिल्ला अदालत बर्दियाको मिति २०६८ असार ०९ गतेको आदेशले ६ वर्ष कैद सजाय सुनाएको थियो ।

ईलाका प्रहरी कार्यालय लम्कीले उनलाई २०७९ असोज ३० गते गणेशपुरबाटै पक्राउ गरेको जनाएको छ । उनलाई पक्राउ गरी जिल्ला अदालत कैलालीमा बुझाइएको ईलाका प्रहरी कार्यालय लम्कीले जनाएको छ ।