काठमाडौं । किस्ट अस्पताल, ललितपुरमा उपचाररत शताब्दी पुरुष सत्यमोहन जोशीको स्वास्थ्यमा खासै सुधार नभएको अस्पतालले जनाएको छ । अस्पतालले उनको स्वास्थ्य अवस्था स्थिर रहेको भने जनाएको छ ।

१०३ वर्षका जोशीको २३ दिनदेखि ललितपुरको इमाडोलस्थित किस्ट मेडिकल कलेज तथा शिक्षण अस्पतालमा उपचार भइरहेको छ ।

निमोनिया, पिसाबको संक्रमण, मुटुरोगका साथै जोशीमा पछिल्लो समय उनमा डेंगु संक्रमण देखिएको थियो । जोशीलाई प्रतिमिनेट ४ लिटर अक्सिजन दिनुपरेको अस्पतालले जनाएको छ ।

जोशीको स्वास्थ्यमा छिन–छिनमै उतार चढाव आउन थालेपछि अस्पतालले विशेषज्ञ चिकित्सकको विशेष निगरानीमा निरन्तर स्वास्थ्य सेवा प्रदान गरिरहेको छ ।