काठमाडौं । चौतर्फी रुपमा विरोध भएपछि आन्तरिक राजश्व विभागले कर बुझाउने म्याद असार ७ गतेसम्म थप गरेको छ ।

विभागले यसअघि मंगलबार लकडाउन भइरहेका बेला जेठ २५ गतेभित्र कर तिर्नुपर्ने, नभए जरिवााना लाग्ने सूचना निकालेको थियो ।

विभागले बुधबार नयाँ सूचना निकालेर कर तिर्ने समय बढाएको हो ।

सरकारले जेठ मसान्तसम्म लकडाउन गर्ने निर्णय गरिसकेको छ । यदि असार १ गतेबाट लकडाउन खुल्यो भने पनि ७ दिन भित्र करदाताहरुले कसरी कर दाखिला गर्न सक्छन् ?

गाउँसम्म पुगेका करदाताहरु यदि काठमाडौं भित्रन पाएनन् भने के उनीहरुलाई जरिवाना लगाउने ?

असार १ गतेबाट लकडाउन खुल्ने अझै निश्चित नभएको अवस्थामा विभागले फेरि पनि म्याद थपको नाटक गरेर विज्ञप्ति निकाल्नु आफैमा गैरजिम्मेवारपूर्ण कार्य हो भन्दा फरक नपर्ला ।

विभागले बुधबार निकालेको कर तिर्ने म्याद थपसम्बन्धी सूचना :