काठमाडौं । नेपाली सेनाले गोरखाको मनास्लु इलाकाको न्याक गाउँमा पहिरोका कारण बिहीबारदेखि अलपत्र परेका दुई इजरायली र छ नेपालीलाई उद्धार गरेको छ ।

केही दिनदेखिको अबिरल वर्षाका कारण पहिरो आएपछि बिहीबारदेखि अलपत्र परेका उनीहरुको आज उद्धार गरिएको हो ।

सैनिक जनसम्पर्क तथा सूचना निर्देशनालयका अनुसार, इजरायली नागरिक ओरी ओरअफ र यरीभ बोर्ट तथा तेम्बा गोथे, हुतेन लामा भोटे, पासाङ भोटे, पासाङ तामाङ, जनकराम राई र मिम्बा छिरिङ शेर्पालाई नेपाली सेनाले उद्धार गरी काठमाडौं ल्याइएको हो ।

उद्धार गरिएका आठै जनाको स्वास्थ्य अवस्था सामान्य रहेको बताइएको छ ।