काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आफ्नो परिवारका सदस्यलाई बडादसैंको टीका लगाइदिएका छन्।

उनले काठमाडौंको खुमलटारस्थित प्रचण्ड निवासमा छोरी, बुहारी र नाति नातिनाहरूलाई आज दसैंको टीका लगाइदिएका हुन्।

प्रचण्डका स्वकीय सचिवसमेत रहेकी छोरी गंगा दाहालले टीकाटालोको फोटो सार्वजनिक गर्दा प्रचण्डको निधारमा भने टीका छैन ।

प्रचण्डले छोरीहरू, बुहारी र नातिनातिनालाई टीका लगाइदिएका छन् तर उनले भने टीका ग्रहण गरेका छैनन् । त्यस्तै बिरामी भएका कारण सीता दाहाल पनि देखिएकी छैनन् ।