काठमाडौं । सिट बाँडफाँडको टुंगो लगाउनका लागि सत्तारुढ गठबन्धनको बैठक बस्ने भएको छ । सत्ता गठबन्धनका नेताहरूको बैठक मंगलबार दिउँसो ३ बजे प्रधानमन्त्री निवास बालुवाटारमा बस्ने भएको हो ।

बैठकमा सिट बाँडफाँट विवादलाई मिलाउन प्रयास हुने बताइएको छ। सोमबार बिहानदेखि रातिसम्म बसेको बैठकले सहमति गर्न सकेको थिएन। त्यसैले मंगलबार बिहान ८ बजे बस्ने गरी सोमबारको बैठक स्थगित भएको थियो।

तर तीन बजेभन्दा पहिला दुईपक्षीय मात्र छलफल हुने र तीन बजे गठबन्धनको बैठक बस्ने स्रोतले जनाएको छ ।

हालसम्म नेपाली कांग्रेसले ८५, नेकपा माओवादी केन्द्रले ४४, नेकपा एकीकृत समाजवादीले १५, ,जनता समाजवादी पार्टीले १३ र राष्ट्रिय जनमोर्चाले २ क्षेत्र पाउने गरी छलफल भइरहेको छ ।