काठमाडौं । नेपाली कांग्रेसले निर्वाचन आयोगमा संशोधनसहितको समानुपातिक बन्दसूची बुझाएको छ ।

प्रतिनिधिसभाको समानुपातिक बन्दसूचीमा रहेका नेताहरूको नामबारे भएको विवाद समाधान भएपछि उक्त सूची आयोगमा बुझाइएको हो ।

पार्टी सभापतिसमेत रहेका प्रधानमन्त्री शेरबहादुर देउवासहितका पदाधिकारी बसेर बन्दसूची संशोधन गरिएको थियो।

कांग्रेसको समानुपातिक बन्दसूचीमा प्रधानमन्त्री तथा सभापति शेरबहादुर देउवाकी पत्नी आरजू राणा देउवा महिलातर्फ पहिलो नम्बरमा थिइन् ।

समानुपातिक सूचीमा आफ्नो पक्षका नेताहरूलाई प्राथमिकतामा नराखेको भन्दै शेखर कोइराला समूह विरोधमा उत्रिएको थियो ।