एजेन्सी । रसियाले युक्रेनको जापोरिझहिया सहरमा गरेको मिसाइल आक्रमणमा कम्तिमा २३ जनाको मृत्यु भएको छ ।

आक्रणमा परी दर्जनौं नागरिकहरू घाइते भएको अलजाजीराले जनाएको छ ।

कार बजारमा भेला भएका सर्वसाधारणमाथि रसियाले मिसाइल आक्रमण गरेको त्यहाँको गर्भनरले बताएका छन् ।

‘हालसम्म २३ जनाको मृत्यु भएको छ भने २८ जना घाइते छन्,’ गर्भनर ओलेकजेन्डरले उल्लेख गरेका छन् ।

त्यहाँ उपस्थित सर्वसाधारणहरु आफन्तहरु भेट्न जम्मा भएको बताइएको छ ।