काठमाडौं । दिउँसो ३ बजेका लागि बोलाएको एमाले सचिवालय बैठकको समय परिवर्तन भएको छ । अध्यक्ष केपी शर्मा ओलीको व्यस्तताका कारण बैठक सुरु हुन नसकेको हो ।

अध्यक्ष ओलीको निजी सचिवालयले बैठक १ घण्टापछि सरेको बताएपनि साढे ४ बज्दासम्म सुरु हुन सकेको छैन ।

बैठकका लागि केही नेताहरु अध्यक्ष ओली निवास बालकोट पुगिसकेका छन् ।

आजको बैठकमा प्रतिनिधि सभा र प्रदेशसभाका प्रत्यक्षतर्फका उम्मेदवार टुंगो लगाउने भनिएपनि लोसपासँगको चुनावी तालमेल र घोषणापत्रबारे समेत छलफल हुने नेताहरुको भनाइ छ ।