चितवन । प्रहरी नायव निरिक्षक (सई) राजनबहादुर खड्का चितवन जिल्लाको उत्कृष्ट प्रहरी घोषित भएका छन् ।

चितवनका एसपी नवराज अधिकारीले अनुसन्धानमा दक्षता प्रदर्शन गरेको भन्दै खड्कालाई उत्कृष्ट प्रहरीको रुपमा पुरस्कृत गरेका हुन् ।

भदौ महिनाको उत्कृष्ट प्रहरी घोषणा गरेर उनलाई नगद र सम्मान पत्र प्रदान गरिएको छ ।

भदौ २६ मा दिउँसो भरतपुर महानगरपालिका–४ मा रहेको नारायणी मनि ट्रान्सफरको कर्मचारीलाई मार्ने धम्कि दिएर सो मनि ट्रान्सफरको काउण्टरमा रहेको २ लाख ४ हजार डाँका गरेर भागेका आरोपीलाई खड्काले छोटो समयमा पक्राउ गरेका थिए ।