एजेन्सी । स्पेन युइएफए नेसन्स लिगको फाइनल फोरमा पुगेको छ ।

गएराति भएको समूहको अन्तिम खेलमा पोर्चुगललाई १–० ले हराउँदै स्पेन फाइनल फोरमा पुगेको हो । स्पेनको जितमा अल्भारो मोराटाले निर्णायक गोल गरे।

यो जितसँगै स्पेन नेसन्स लिग ए ग्रुप २ मा ६ खेलबाट ११ अंक जोडेर शीर्षस्थानमा रह्यो। पराजित पोर्चुगल १० अंक जोडेर दोस्रो स्थानमा रहँदा स्वीट्जरल्यान्डले ९ तथा चेक रिपब्लिकले ४ अंक जोड्यो।

यसअघि क्रोएसिया, नेदरल्यान्ड्स र इटालीले फाइनल फोरमा स्थान पक्का गरिसकेका थिए।