धनुषा । धनुषामा ब्राउन सुगरसहित प्रहरीले दुई जनालाई पक्राउ गरेको छ ।

जिल्लाको विदेह नगरपालिका १ महिनाथपुरबाट एक युवक र एक युवती पक्राउ परेका हुन् ।

पक्राउ पर्नेमा सिरहाको कर्जनहा नगरपालिका २ बन्दिपुर छगरियाका २३ वर्षीय महादेव मण्डल र १९ वर्षीया अस्मिता खत्री रहेका छन् ।

उनीहरुको साथबाट १६.८५ ग्राम ब्राउन सुगर बरामद गरिएको प्रहरीले जनाएको छ । उनीहरू स ६ प ८०८६ नम्बर प्लेटको मोटरसाइकलमा सवार भई भारतबाट नेपालतर्फ आइरहेका थिए ।

प्रहरीले उनीहरूको साथबाट दुई थान मोबाइल र मोटरसाइकल पनि बरामद गरेको छ ।